09 ديسمبر 2010
Posted in
ركن جدو كرمشة -
ركن جدو كرمشة
انا بنت عندى 23 سنة عايزة اقولك يا جدو على حكاية انا اتعرضت لمحاولة اغتصاب و انا عندى 10 سنين لكن محصلش حاجة بس انا فى السن الصغير دة مكنتش فاهمة اى حاجة انا عايزة اعرف ربنا سامحنى و لا لاء و هو معقول ربنا يحاسبنى على حاجة معرفهاش؟ انا دائما حاسة بزنب وحاسة دائما ان ربنا زعلان منى و حاسة انة مش موفقنى فى حياتى للسبب دة و حاسة انى مش موفقة فى موضوع ارتباطى للسبب دة مع انى طلبت من ربنا كتير يسامحنى
mmmm
ربنا يسامحك ليه و انتى اصلا مالكيش ذنب فى موضوع زى ده ده بالعكس ده ربنا بيتألم لتألمك و يحس بكل مشاعرك ورافض اللى حصل ليكى و هيعوضك بحنانه لحد ما ييجى اليوم اللى تنسى فيه انه حصل حاجة زى كده، ربنا يسوع هوه طبيب الانفس و الارواح و اللى يقدر يشفى المشاعر المجروحة و علشان كدة الكتاب المقدس يقول:
إشعياء ٦٣:٩ فِي كُلِّ ضِيقِهِمْ تَضَايَقَ، وَمَلاَكُ حَضْرَتِهِ خَلَّصَهُمْ. بِمَحَبَّتِهِ وَرَأْفَتِهِ هُوَ فَكَّهُمْ وَرَفَعَهُمْ وَحَمَلَهُمْ كُلَّ الأَيَّامِ الْقَدِيمَةِ.
ربنا بيرسل ملايكته علشان يخلصونا من الشدائد اللى بنقع فيها و يخلصنا علشان كده هوه انقذك
ربنا يفرح قلبك و يعوضك و يبعد عنك اى احساس بالذنب و يديكى فرح انه انقذك نت الشدة
أيوب ٣٥:١٠ وَلَمْ يَقُولُوا: أَيْنَ اللهُ صَانِعِي، مُؤْتِي الأَغَانِيِّ فِي اللَّيْلِ،
لأن الله هوه وحده اللى يدى الفرح فى وقت الضيق و الالم