10 يناير 2011
Posted in
ركن جدو كرمشة -
ركن جدو كرمشة
انا معجبة جدا بهذه الصفحة المهمة لأنها تجعل الانسان يجد من يتكلم معه فى وقت الضيق انا عايزاك ترد عليا بسرعة علشان اعرف ردك على هذه المشكلة المعقدة انا عندى 28 سنة متزوجة منذ 4 سنوات وكأنهم اربع قرون من الزمن السحيق مشكلتى هى زوجى انه غيور جدا شكاك للاسف جدا دائما اتهم بأشياء لم افعلها انه يتأثر بكل الاحداث المحيطة به مثلا عندما يقراء صفحة الحوادث يكتأب ويتأثر ويحاول يربط حيتنا بها تصور يا جدوا لما حيتنا تكون مرتبطة بصفحات الجرائد من قتل من ومن خانت من وووو انا بجد تعبت جدا حاولت اتعامل معه بكل الطرق السكوت احيانا الغضب والثورة احيانا ولكن انا بجد تعبت جدا انا ممنوعة من كل شىء كل حاجة لاء متخرجيش لوحدك علشان الناس وحشة متتأخريش بره وده طبعا لغاية الساعة 4 عصرا المواعيد الشتوية والمواعيد الصيفية 6 مساءوطبعا متنساش التليفون المحمول وده من اسوء الاختراعات لانى من اول مأخرج مابيبطلش يرن كأنى سنترال متنقل وده بيسببلى احراج شديد بالله عليك ياجدو هل هذه عيشة او دى حياة ممكن الواحد يتفائل بيها وطبعا فى حاجات تانية كتير انا مش عايزة اقولهالك دلوقت ياريت ترد عليا بسرعة شكرا على صدرك الواسع
saint mary
خلينى أقوللك فى البداية انه زوجك لن يتغير بسهولة، بلاش تحطى نفسك فى موضع شك ولا شبه الشك، لانه زى ماقلت لك لن يتغير بسهولة...لأن الشخص الشكاك و الغيور بيفضل زى ماهوه لكن ربنا قادر على كل حاجة، يقدر يغير لكن الموضوع ده بيبقى عايز نفس طويل قوى بياخد مشوار عمرك جهاد وصوم وصلاة علشان الموضوع ده و تأكدى انه ربنا قادر على كل حاجة يمكن هوه ميتغيرش لكن ربنا يديكى استيعاب له و محبة للجوانب المضيئة فى حياته تخليكى فى النهاية تحبيه على بعضه و تقولى لنفسك على الاقل هو مهتم بيا أكثر من اللى حواليا...ده يسهل الحياة شويه. كل مشكلة تانية نفكر فيها لوحدها ربنا معاكى
نصيحتى لكل بنت مقبلة على الزواج تفحص الخطيب بعين عاقلة و ليس عين العاطفة و تشوف هل هتقدر تحتمل عيوبه ولا لأ!!