06 أبريل 2011
Posted in
ركن جدو كرمشة -
ركن جدو كرمشة
يا جدو انا مخنوقة اوى وتعبانة جدا كل البنات بتفرح وتعيش حياتها الا انا كل لما ارتاح لواحد واحس ان الموضوع شغال يجى فى الاخر ويفشل مع انى بحط ربنا من الاول وربنا بيكملها للاخر وبعد كدا تحصل المشكلة انا حاسة ان ربنا مش عايز يفرحنى دايما كنت بقول ربنا شيلى الاحسن بس بصراحة ابتديت اشك فى الكلام دة لانى مش شايفة فرح فى حياتى ابدا زى مايكون ربنا بيستخسر فيا الفرحة اعمل اية بس يا جدو؟؟؟؟؟؟؟؟ وهل معقول ربنا يكون بيعمل معايا كداعلشان خطية عملتها ؟ بس انا دايما لما بقع بطلب رحمة ربنا ومغفرة الخطية وانها تبعد عنى حاجات كتير بتحصلى بتخلينى حاسة ان ربنا رفضنى يا جدو وانا مش عارفة اعمل اية من فضلك قولى اعمل اية ؟؟؟؟؟؟؟؟؟؟؟؟؟؟؟؟؟
kity
فى الحقيقة ربنا فعلا شايل لينا الاحسن، بس عايزنا نتعلم نفرح بيه هوه الاول و نتلذذ بيه و نعيش معاه، علشان مش كل فرحتنا تبقى ارضيه، لما نفرح بالتوبة الحقيقية و بعدين نفرح بالتناول و نشتاق ليه و للعشره معاه و الصلاة ليه لما نفرح بالتسبيح و الوجود فى حضرته
تلاقى الافراح الارضيه بقيت مقدسة، فيكون الارتباط اساسه المسيح الحلو الطيب الحنين اللى هيستر و يصون الزواج فى المستقبل
لكن لو لسه ما اختبرناش ده و لا اتعلمناه، يدخلنا على الارتباط على طول وش كده ممكن نفشل، لأننا مش هنستحمل مشاكله ولا العواصف اللى تعصف بيه. لكن لما حياتى تبقى مبنيه على الصخر اللى هوه المسيح، حيبقى بيتى فى المستقبل مبنى على الصخر قدام المشاكل و العواصف اللى ممكن تعصف باليبيت
ابنى علاقة شخصيه مع المسيح عن طريق الصلوات و الميطانيات و الصوم و التناول و افرحى بربنا ...هيملا قلبك بكل فرح و هتلاقى الارتباط بعد كده فيه ربنا اللى يحل اى مشاكل تظهر لانه الاساس اللى هوه المسيح موجود