انا بحب بنت عندها 17 سنة وانا عندى 19 دة كويس بس فى مشكلة اخواتها مش كويسين وخايف لمل تكبر ونوصل لسن الجواز بابا ميوافقش دية عملالى مشكلة كبيرة هل اكمل ولا اية
pop
شوف يا بوب الطفل الصغير فى سن سنه و نص او قبل كده بشويه بيبتدى يتعرف على نفسه فتلاقى باباه يقوله فين مناخيره يروح مشاور على عينه، او يقوله فين ودنه يلاقيه مسك مناخيره، لسه بيتعرف على نفسه، كمان فى سن المراهقة اللى بيبتدى من 15 او 16 لغايه قرب العشرين بيكون الواحد لسه بتعرف إنه عنده حاجة إسمها مشاعر و أحاسيس لكنها لسه مبقتش مؤكده ولا نقدر نسميها حب، والفترة دى بتتميز بإنها فترة إنفعالات قويه يعنى اللى النهارده فاكر إنى بحبه قوى ممكن بكرة محبهوش قوى عامل زى إللى لسه بيتعلم سواقة و العربيه بتنطر منه و تبطل يقوم أول ما يشطح ينطح و يطلع على طريق القطاميه و السرعة هناك 120 يعمل ايه....حادثه ربنا يستر، و ده إللى بيخلينا ننصح إن السن بتاع المراهقة منعملش فيه علاقات أحاديه لكن نطلب إن التعامل يكون من خلال المجموعات، و خلى بالك أن مشاعر الإعجاب طبيعيه و احيانا كمان الانجذاب ده ربنا خلقه فينا لكن مش معنى كده إنه الواحد يدى لعقله أجازة و يمشى بس ورا مشاعره. يعنى يا بوب لو إنت جعان قوى و لقيت صفيحة زباله مليانه كلام كبير قوى هتوطى و تاكل ولا تقول ...لا أستنى على جوعى لما أروح البيت و آكل اكل نضيف، التشبيه ده مجازى لكنه يورينا ان الواحد ممكن يتحكم فى مشاعره و غرايزه الطبيعيه لغاية الوقت المناسب ليها
مفيش مشكله يا بوب إذا حسيت بأى مشاعر متخفيهاش إكشفها للمسيح وممكن كمان لأب إعترافك و هو ممكن ينصحك
فلا خاب من إستشار يا بوب وزى ماهو مكتوب فى سفر الأمثال
والخلاص بكثرة المشيرين
أمثال 24 ايه 6