قلتلها لازم نبعد ونيقي اخوة ولاكن هي متمسكة بي جدا ومش قابلة اننا نبقي اخوة وتقلي انا هستناك مع العلم انا لسة في سنة 3كلية ولم اشتغل اي شغل قبل كدة الا مرة واحدة في الاجازة وحالتنا المادية متوسطة وعندنا ارض زراعية حوالي 4 افدنة وبابا وماما موافقين عليها واهلها يحبوني ولاكن لا امتلك شقة او اي شيء في الوقت الحالي وهي عندها 22 سنة يعني في نفس سني وهي اتخرجت السنة اللي فاتت وتقلي انتظرك حتي 6سنوات وتقولي بعد ماتتخرج وتخلص الجيش تتقدم لي اهلي وتقلهم اننا هنتجوز بعد 3سنوات ولو رفضو هي هتقنعهم وتسافر وتكوون نفسك خلال 3او 4 سنوات بعد التخرج
وانا شايف اني مش هقدر اكون نفسي حلال الفترة دي وخايف اظلمها معي وتقعد من غير جواز الفترة دي كلها وانا مكونش كونت نفسي وانا رايي ان ابوها مش هيوافق بالفكرة دي مين يخلي بنت عندها 22 سنة تستني واحد لسة مكونش نفسة ومشافش لنفسة شغل لحد دلوقتي بس انا بحبها فعلا ومش عاوز اخسرها لاني لو خسرتها اندم عليها العمر كلة وبابا رافض انة يساعدني باي مبلغ ويقلي كون نفسك بنفسك مع الملاحظة ان تقدم لها عريس امكانياتة المادية حلوة وميتعيبش لاكن رفضتة بسبب حبها لي واهلها كانو موافقين علية مش عارف اعمل اية علشان خاطر المسيح تقولي اعمل اية وتصلو من اجل ان الرب يرشدني في الموضوع دة وتكون الاجابة في اسرع وقت ممكن اقنعها ان تنسى الموضوع وابعد عنها ولا اكمل معها وتستناني مع العلم انها قريبتي وساكنين بجوار بعض يعني البعد من خلال المكان صعب ربنا معاكم ويبارك في خدمتكم
ysoh hpepe
شوف ياحبيب قلبى الغالى، البنت دى صنف نادر ميتعوضش جدعة و الصنف ده قليل، نفسها إنك تبنى نفسك و تكون نفسك و تستناك رأى غنك تصبر عالموضوع شويه و تحطه على المذبح و تشوف اب إعترافك يقولك ايه بس مع صلاه جامده تطلب فيها مشيئه ربنا، اما بالنسبه للإحتياجات الماديه ولا تشيل هم لأن المسيح غنى يفرح قلبك بشغل من عنده و يسدد إحتياجاتك المادية و الروحيه لان عطيته متكاملة مش منقوصه بس المهم يكون قلبك معاه، ويامى شباب ربنا فتح عليهم ..
.خلى موضوع الإمكانيات دى آخر حاجة لانها مش مشكله خالص قدام ربنا إذا كانت مشيئته إنكم تكملوا، و تعرف مشيئته إزاى بالصلاة ثم الصلاه ثم الصلاه وفرصه تصوموا اليومين دول بإرشاد اب إعترافكم و هو يتحنن عليك و تسمعها واضحه على لسان اب إعترافك او لسان أهلك أو تغير الاحداث بالسلب او بالايجاب
وساعتها هتتعلم إزاى تسمع صوت ربنا ...خلى كل الخيارات مفتوحة وقوله إتدخل يارب، إنت عارف إنى مش شايف حاجة و مش عارف اتصرف لكنك انت عارف كل حاجة أرجوك إختر لى الصالح لانك إنت إله صالح وبار