ارجوك ياجدو محتاجة رد سريع انا تعبانة اوى عايزة رد لسوالى هل لما ربنا يسامحنى واصلى علشان ربنا يغفرلى ربنا يسامحنى من غير ما اروح اعترف؟؟؟؟؟؟؟؟ولا لازم اعترف لابونا اصلى مش عارفة اروح لابونا حاليا ونفسى اتناول لانى من ساعتها مش عايزة اتناول ليكون عليا زنب اكبرارجوك رد عليا بسرعة.......................
kity
بصى ياكيتى ربنا فعلا بيسامحك إذا قدمتى توبة فى الحال، لكنك محتاجة للإعتراف علشان تاخدى الغفران، يعنى ايه الكلام ده؟!! حقوللك ...كإنك كسبت جايزة كبيرة من شيبسى مثلا مليون جنيه ولو ان ده مبيحصلشى لكن اهو ربنا كبير.... وبعدين دعوكى على الحفلة يوم الخميس بالليل و سلموكى الجايزة عبارة عن شيك بمليون جنيه...السؤال هل انت كسبتى؟ ايوه كسبتى . هل انتى اخدتى الجايزة؟....ايوة اخذتيها...لكن فعليا معاكيش غير حته الورقة بتاعة الشيك لكن لسة ما أخذتيش فلوس فى ايدك وده اللى بيحصل مع الفارق فى المثل بنقدم توبة لكن مصرفناش الشيك على نحصل على الغفران اللى بناخده نتيجة استحقاقات دم صليب ربنا يسوع المسيح اللى بناخده فى سر الاعتراف، و اللى فيه ابونا الكاهن بيحط الصليب على راسنا علشان الخطية تتنقل من علينا للمسيح المصلوب - عن خطايا العالم أجمع فى كل الازمنة و اللى بسببها اتصلب على الصليب- وساعتها بنحصل على الغفران.
الإعتراف فيه إنسحاق و إصرار على التوبة و فضح للخطية قدام الكاهن اللى الله وضعه من أجل إتمام هذا السر زى باقى أسرار الكنيسة السبعة و ممكن لو رفضنا سر الاعتراف ، نرفض باقى الاسرار و نقول نتممها بنفسنا فنتجوز بنفسنا و نعمد بنفسنا....... و نقع فى فخ رفض كلمة الله
فى الاعتراف بناخد الحل من خطايانا من خلال ابونا، الحل الرسولى المعطى من المسيح للرسل و من بعده الاساقفة و الكهنة و اللى المسيح قاللهم
(إِنْجِيلُ مَتَّى 18 : 18) الحق اقول لكم كل ما تربطونه على الارض يكون مربوطا في السماء.وكل ما تحلّونه على الارض يكون محلولا في السماء..
فى الاعتراف بناخد ارشاد من الاب الكاهن اللى عنده خبرات السنين و ممكن يدينى تداريب كتيرة علشان اتخلص من ليسته الخطايا اللى بعملها
فى الاعتراف بنفضح الخطية اللى الشيطان ماسكها زلة علينا كل ما نتقدم فى عمل روحى زى الصلاة مثلا يقوللنا، معقولة انت اللى عملت كذا وكذا تقف تصلى، تروح الكنيسة و تقف مع كل القديسيين دول و هكذا يقعد يشككنا فى توبتنا، لكن الاعتراف إقرار بالخطية قدام الله فى حضور الكاهن، ايوه انا اللى عملت كذا و كذا و نادمان ياربى، ارجوك اقبل توبتى و طهرنى
فى الاعتراف مفيش خطية محرجة، فى النهاية عايز عايز اقولك انه السماء تفرح
(إِنْجِيلُ لُوقَا 15 : 7) اقول لكم انه هكذا يكون فرح في السماء بخاطئ واحد يتوب اكثر من تسعة وتسعين بارا لا يحتاجون الى توبة..
(إِنْجِيلُ لُوقَا 15 : 10) هكذا اقول لكم يكون فرح قدام ملائكة الله بخاطئ واحد يتوب.
وابونا عارف الموضوع ده كويس و همه انه يوصلك و يوصلنى للسما عن طيق تقديم التوبة والاعتراف
أما عن موضوع التناول، لو انتى قدمتى توبه قدام ربنا و فى نيتك انك تعرفى فى اقرب فرصة ممكن تتناولى و بعد كده تعترفى، لكن لو انتى مش ناويه تعترفى.....ساعتها تسالى ابونا وهو هيساعدك، و بعدين لو يعنى خطيه محرجة قوى إكتبيها فى ورقة و اديها لابونا، او ممكن انك تقوليله حوالين الخطية و هوه هيفهم من غير شرح تفاصيل وساعتها بيكون فهم و يساعدك انك تتخلصى منها