جدو بيجيلي تفكير كتير هل ربنا موجود هل في حياه ابديه انا ساعات كتير لما يموت حد ويكون قريب مني بقول يا ترى هو انتهى خلاص ولا في حياه تاني ولا ده وهم زي زمان القدماء المصريين كان معتقدين ان في حاه بعد الموت وبيحطه كل احتياجات الانسان معاه بعد ما بيموت علشان لما تبعث ليه روحه يستخدمها ارجو الرد علشان نفسي تكون ليا حياه مع ربنا وايمان قوي بكل كلامه
بيبو
متستسلمشى للأفكار دى و اطردها على طول، فيه حد قال مقولة انه يمكن انك متقدرشى تمنع الطيور من التحليق فوق رأسك لكنك بالتاكيد تقدرى ان تمنعها ان تبنى عشا فوق رأسك
الافكار كده ...الناس ممكن ترميلك افكار و الشيطان ممكن يحاربك بالافكار و انت نفسك ممكن تفكر افكار خاطئة، افرز الافكار و تعامل فقط مع المفيد و اطرد الهدام منها
الخطية تبتدى بفكرة لو اتعاملت معاهها و استجبت للفكرة تتحول الى فعل واذا كررت الفعل تتحول الى عادة، أطرد الفكرة الرديئة من البداية و اعرض افكارك على ضوء كلام الله فى الكتاب المقدس اللى يكشف الفكرة و كأنك بتحطها فى النور و الخبيث منها هيتكشف و الكويس منها يزداد لمعانه فى الضوء
كما اب الاعتراف هيساعدك فى الموضوع ده بإنه يؤيدك او انه ينصحك او المرشديين الروحيين يساعدوك لو انت مش قادر تفرق بين الافكار الكويسة و الافكار الهدامة
يعنى القتل يبتدى بفكرة و الحرب تبتدى بفكرة وكمان الحياة الطاهرة و الابدية يبتدوا بفكرة