03 مايو 2010
Posted in
ركن جدو كرمشة -
ركن جدو كرمشة
ازيك يا جدو انا كان عندى سوال محيرنى وعايزة اجابتك علية هو قراءة المعلومات عن الحياة الزوجية والجنسية تعتبر خطية انا بنت فى سن الجواز واحب ازود معلوماتى واعرف اكتر فهل كدا ببقا مش بحافظ على عفتى وطهارتى.............وكمان اية الى يساعدنى على انى احافظ على طهارتى كبنت للمسيح شكراااااا على تعب محبتك
ك
لأ مش خطية بس لو الكتب دى هى كتب علمية و بتضيف ليكى من غير ما تأثر علي فكرك و مبتشغلكيش بأى فكرة مش نقية مفيش مشكلة من قراءتها
لكن اذا كان الموضوع له تأثير على فكرك بخطايا فكرية تضايقك، يبقى تتأجل لغاية فترة الخطوبة فى الوقت اللى انتى محتاجة فيه النوع ده من المعرفة و تأكدى انه مش هيفوتك حاجة، اجمل حاجه انه الفكر يبقى نقى ومقدس لربنا و فى الجواز بيكون نفس الحكاية لأنه المعرفة دى مقدسة فى المسيح اللى بارك الزواج و قدسه و الرسول بولس يشبه اتحاد الرجل بزوجته كغتحاد المسيح بالكنيسة و يقول هذا السر عظيم
و فى موضع اخر ليكن الزواج مكرما و المضجع غير دنس، اى فكرة عن الزواج و العلاقة الجنسية تستقى من الكتب الروحية وليس من الشارع لان الحب الزيجى حب سامى طاهر نقى يقدسه الله فى سر من اسرار الكنيسة السبه بحلول روحه القدوس على العروسين يقدسهما معا و يحولهما الى جسد واحد المسيح يسكن فيهما
هى دى الطريقة الى نقرأ بيها اى موضوع عن الزواج لكن انا انصحك بتأجيله الى نهاية فترة الخطوبه