03 مايو 2010
Posted in
ركن جدو كرمشة -
ركن جدو كرمشة
يا جدو كرمشه انا زعلانه منك علشان انا بعتلك سؤال قبل كده وانت مردتش علياعامة ولا يهمك انا عارفة ان الضغط كتير عليك علشان كدة انا هكتبلك تانى انا عمرى 21 سنه ومعجبه بانسان عمره25سنه بقالى حوالى 3 او 4 سنين وبجد انا بحترمه وبقدره جدا لانه انسان فى قمة الاحترام والادب وعلاقته حلوة اوى بربنا لدرجة انى كل لما اقرب منه بحس انه بيقربنى لربنا اكتر ودى حاجة بتفرحنى اوى بس كل المشكله انى مش عارفة هو حاسس بيا وبيفكر فيا ولا لأ وانا خايفة اوى من كدة لان فى ناس كتير بيتقدمولى ومناسبين جدا وانا برفضهم على امل انه هيجى فى يوم وبجد انا نفسيتى تعبانه اوى ومدمرة ومش عارفة اعمل ايه ومن الصعب انك تقولى انسيه لان النسيان ده مش حاجه سهله خوصا لو كنت بحبه حب حقيقى ياترى اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟
ميكى ماوس
انتى المفروض تبقى مينى ماوس مش ميكى، فعلا الضغط عالى ...اقصد ضغط الدم طبعا
انا مش هقولك انسيه لكن هقوللك عن طريق حدمن صحباتك اللى تثقى فيهم ممكن يجسوا نبضه و يشوفوا هل هوه بيبادلك نفس الشعور ولا لأ، لانه كتير من الوقت بيضيع و انتى مش عارفة حقيقة مشاعرة و ممكن يكون ربنا بيبعت لك ولاد حلوين برضه بس انتى بترفضى و انتى متعلقة فى الهوا، صلى لربنا و خذى رأى اب اعترافك وجربى موضوع صاحبتك اللى ممكن تاتمنيها على سر زى ده علشان متكونش واحده ممكن تشهر بيكى بعد كده و ربنا معاكى ويفرح قلبك