03 مايو 2010
Posted in
ركن جدو كرمشة -
ركن جدو كرمشة
انا مخطوبه بقالى سنه خطيبى فى صفات كويسه حنين خدوم مش بيتحمل عنى اى شىء وحش بس فى برضو صفات وحشه وتعبانى جدا زى الغيرة غيور جدا جدا جدا بيغير عليا من اى شىء احبها زى ممثل فى التلفزيون يغير منه او من قرايبى اكبر منى سننا او اصغر منى سننا يقولى بلاش تتكلمى مع حد طول وانا مش موجود لو موجود اكتر من اهلا وسهلا مفيش كلام معاهم الحجه اصلا انا معرفهمش لما اعرفهم ابقى اتكلمى معاهم غير كده لا طبعا هو رافرض يتكلم معاهم بيتصيد ليهم الاخطاء ويقولى بصى ده وحش متكلمهوش تانى والاظفال اى طفل غريب علشان ممكن يستغل كلامه معاكى وحد ييخطفك يكون معاه وكلام زى كده
حاولت افهمه ان الكلام ده غلط وفى الغيرة حدود فيها هو رافض مقتنع 100/100 ان صح مش عارفه اعمل ايه ميفتش اسبوع مع بعض غير لما نتخانق ونتشاكل قولتله طالما الموضوع كده وانت مقتنع انك صح انت كمان مش مسموح ليك تكلم حد وعملت زى ماهو بيعمل بظبط لكن برضو مفيش فايده المشاكل بتذيد معايا ومعاه ده غير انه كثير الكلام وكثرة الكلام لا تخلو من المعصه بنغلط وبنهين فى بعض وبنشتم بعض رحت للاب اعترافى احكيله قالى انتى شخصيه عنيده وهو بتلكك على المشاكل والخناق لاش تغلطى او تشتمى ولو هو عمل كده متغلطيش فى وفى نفس الوقت متقبليش الغلط وامشى وخدى منه جنب
اخر مرة اختى جالها عريس لازم انى اقف جنبها واساعدها واستقبل الضيوف لكن هو قالى متطلعيش ولا تقبلى حد غير لما انا اكون موجود فكرت قولت طيب انا ممكن اطلع ومش حقوله لقيت انه غلط مش بحب اعمل حاجه من ورا وفى نفس الوقت اختى عايزانى اقف جنبها قولت انا حرفض وحطلع اقف معاها لقيته رفض تماما وشتمنى وغلط فيا قولته بلاش غلط انا حمشى مش حقف معاك لو فضلت تغلط لقيته برضو استمر فى الغلط سيبته ومشيت زى ما ابونا قالى لقيته بيقولى انتىمش بتسمعى كلامى انا مش انتى انسانه مش كويسه الموضوع وسع بابا ادخل واخويا ادخل واختى اتدخلت وحصل زعل جامد بينهم وبينه وانا مش عارفه اعمل ايه استمر واطاوعه فى كل حاجه يقولى عليها مهما كانت حتى لو حاجات مفرود انى مسمعش كلامه فيها تعالى روحى اعملى سوى ومنها حاجات بسيطه متشتريش اى حاجه من حد يعنى متعملش مع اى راجل غير بمزاجه هو اقوله على اى حاجه حاضر واتصرف من ورا ولا اقوله لا غلط ويحصل يحصل زى الحصل اخر مرة ونسيب بعض ونزعل من بعض بس انا متعلقه بى بصراحه ومش عارفه اعمل ايه ؟؟؟؟؟؟؟؟
دودى
لازم تعرفى انه الموضوع ده هيستمر بعد الجواز....الشك من الصفات السيئة الى بتدمر البيت، و الحاجة اللى مش لطيفة فى الموضوع انه مصحوب بإهانات و شتيمة!!!! انا مستغرب لما فى فترة الخطوبة فيه كده ...بعد الجواز هيبقى فيه ايه؟!!
انا رأى مع اب إعترافك فى تجنبه، و اذا اب اعترافك وافق ممكن بعد تفكير و صلاة تشوفى ايه المناسب هل هتقدرى تكملى معاه او لا؟!!
المفروض انه فترة الخطوبة هى فترة نتعرف فيها على بعض و نقرب من بعض....لكن لما تبقى سبب لمشاكل و البعد يبقى النتيجة معروفة فى الزواج هيكون زى اللى بيحصل و اكتر و ساعتها يبقى مفيش حل قدامك....صلى كتير و استشيرى اب اعترافك و خدى رأى حد كبير من عيلتك تكونى تثقى فيه و يكون يعرفكم انتم الاتنين
كونه على خلاف كمان مع اهلك ده يخليكى تفكرى بكرة هيحصل ايه لما تبقى معاه لوحدك؟ الحب مش امتلاك...الصح انك تقفى مع اختك بكل محبة و تساعديها و الصح انه يكون لك علاقات سويه مع كل الناس، لكن من الخطأ انه يتدخل فى كل تفاصيل حياتك ...تكلمى مين و متكلميش مين..انتى كائن مستقل ليكى فكرك و شخصيتك و كونه يتحكم فيكى ده مش فكر مسيحى لأنه فكر انانى
صلى و المسيح معاكى