03 مايو 2010
Posted in
ركن جدو كرمشة -
ركن جدو كرمشة
مشكلتي يا جدو اني بحب حد كويس اوووي متدين وحياته الروحيه حلوة اوي مع ربنا لكن ظروفه صعبه اووي ماديا يعني عشان والده متوفي ومحدش بيساعده قولي اعمل ايه احنا بنحب بعض اووووي وربنا معانا من اول الموضوع محتاجه ردك وصلاتك
مورا
اهم حاجة فى الموضوع هوه ربنا اوعى تجرى ورا الفلوس و ترتبطى بواحد بعيد عن ربنا وساعتها الفلوس ممكن تروح و متلاقيش ربنا تبقى كارثة لكن انتى لو ممكن تنتظرى شويه، ربنا هيبعت له فلوس لأان ربنا هوه ابوه الشخصى لانه هوه قاضى الارامل و ابو الايتام و صدقينى اصبرى شويه و ربنا هيبارك حياتكم ببركات روحية و بركات مادية و هيسدد كل احتياجاتكم بس امسكوا فى ربنا قوى ده هوه اللى قال اطلبوا ملكوت السموات و بره و هذه كلها تزاد لكم.... ربنا غنى قوى و عطاياه كاملة غير منقوصة انا شايف انك تمسكى فى ابن ربنا بإيديكى سنانك و تقولى لربنا كفاية انه فيه من ريحتك و من اسمك ده ابنك و ده يضمن لى انك تبقى موجود فى بيتنا، باركنا يارب و بارك حياتنا و انت يارب تساعدنا نقع فى ايديك ولا نقع فى ايدين حد تانى