03 مايو 2010
Posted in
ركن جدو كرمشة -
ركن جدو كرمشة
انا شخص كنت مومن وعلقتى كانت فوق المتاذة مع ربنا وكان لية اصحاب كل يوم بيجو البيت يصلو معايا بس جيت فى يوم انا ضعفت وبطلت اقعد مع صحابى وبعت عن ربنا ورحت لشطان بس حولت ارجع بس مقدرتش كان فى حاجز بينى وبين ربنا ومن يمها انا مش حاسس برنا جوايا انا دلوقتى لية اكتر من سنة وانا بصلى كل يوم وبصرخ فى الصلاة بس مش ربنا جواية ذى مدخلت ذى ما طلعت بس الشيطان مش سينى فى حالى كمان انا تعبان ماليش شخصية ماليش دلوقتى اى صاحب عايش وحى وتعبان انا مسنى الرد
ملك الاحزان
بص يا كينج، الايمان مرتبط بالاعمال، يعنى مينفعش اقول انا مؤمن بربنا يسوع المسيح و اعمالى لاتمجد المسيح. لأن ده بيكون زى ايمان الشياطين اللى بيؤمنوا بوجود الله لكنهم ابعد ما يكون عن طريق الله
طيب ازاى اعمالى تمجد الله، اولا لازم اكون ماشى فى طريق التوبة و ده طريق العمر كله....يعنى كل ما اقع فى خطية حتى و لو صغيرة ...فى الحال ارفع قلبى و اقدم توبه لله و اقول فى داخلى لا تشمتى بى يا عدوتى لانى ان سقطت اقوم و ان مشيت فى الظلمة فالرب نور لى. و بعد تقديم التوبة يجى دور الاعتراف بالخطية و فضحها انى اعترف بيها امام الله فى حضور الاب الكاهن اللى اعطاه الله السلطان لإعطائى الحل من هذه الخطية اللى انا تايب عنها و بالطريقة دى احط خطيتى على صليب المسيح اللى حمل كل خطايا العالم لما المسيح اتصلب
التوبه مش مرة و خلاص، لكنها اسلوب حياة يعلمنى ازاى انضف نفسى اول باول، و شويه شويه فكرى يتقدس، فى كل مرة بقدم توبه و اعتراف لازم اربط نفسى بالمسيح اللى رفع عنى خطيتى و سامحنى عليها بإنى اتناول من الاسرار المقدسة اللى بناخد فيها جسد ربنا و نشرب دمه فنثبت فى الله و نكون فيه و هوه يكون فينا، ده بيدينا غلبة و نصرة على الخطية و الشيطان و العالم
و بعد ما اعمالى كانت خطايا تتحول نعمة ربنا فى انى اعمل اعمال ايجابية و اخدم فى كنيسته و اتعلم احب كل الناس حتى اعدائى اباركهم و اصلى علشانهم، كل ده لا اقدر عليه وحدى لكن من المسيح اللى انا بقيت ثابت فيه و هو فيه
علشان كده متستغربشى من انه ايمانك فى الاول بيتهز من اى خطية او او شويه مغريات، لكن لما تثبت فى المسيح يخليك قوى و تقدر تثبت لما لارياح بتاعة الخطية تبقى شديدة
صرخاتك فى الصلاة ربنا بيمعها و هى على قلبه زى العسل و بسببها هينقذك و يرجعك لرتبتك الاولى، فى حياة القداسة و الطهارة
اما عن شخصيتك، فهى بتتغير كل يوم تقرب من ربنا اكثر و اكثر