03 مايو 2010
Posted in
ركن جدو كرمشة -
ركن جدو كرمشة
هاى جدو انامبسوطة جدا لاهتمامك انا كانت مشكلتى ان انا كنت مخطوبة لحد مش عارفة ومستريحناش لبعض والمهم فكيت الخطوبة واول ما فكيت كان معايا حد فى الشغل انا كنت معجبة بيه بس عادى يعنى اتقدملى على طول وقالى ان هو كان بيحبنى وما صدق انى فكيت الخطوبة وتكلمنا كتير والمهم وافقت واتخطبنا بعديها بفترة وكانت مشكلته انه كان عصبى جدا ودة كان باين من قبل الخطوبة لكن بردو وافقت وبعد كدة ابتدت عصبيتة تظهر اكتر وكان بيغلط فيا وبيعملنى بطريقة مش كويسة حتى لو فى الشارع ماشيين بس كنت حبيتة جدا وقعدت اعدى له كل اللى بيعملة وهو كان بيقولى ان هو كان بيحبنى وانا كنت مصدقاه جدا بس مش عارفة كان بيعمل كدة فيا لية واتكلمت معاه وقالى انه هيحاول يبطل العصبية بس طبعا مقدرش وغلط فيا اكتر بس انا طبعا قلت لا مش هينفع كدة وفكيت الخطوبة وسبتة بس انا زعلانةى جدا لانى مش عارفة انساه خالص مش عارفة اعمل اية لانى حبيتة بجد وهل انى فكيت الخطوبة ده كان قرار صح ولا غلط وهو على طول فى زهنى رغم ان اهنى كتير انا مش عارفة اعمل اية ياريت تريحنى ودة كان اول حب فى حياتى
رونى
بصى الكتاب المقدس بيقول
(رِسَالَةُ يَعْقُوبَ 1 : 20) لان غضب الانسان لا يصنع بر الله..
والغضب غالبا من الخطايا اللى بتجيب خطايا تانيه معاها، يعنى الانسان الغضوب ممكن يشتم و هو غضبان و ممكن الموضوع يتطور الى انه يفقد اعصابه و يكسر حاجة قدامه و ممكن يخسر شغله بإنه يتعدى على رئيسه بالكلام ولا نهاية للتصرفات اللى ممكن تحصل من الشخص الغضوب، يعنى النهاردة و انتى ف فترة الخطوبة اللى المفروض يبقى فيها رومانسية و لطف كان بيغلط فيكى ، ممكن فى المستقبل يغلط فى حد اكبر فى السن زى والدك او والدتك..ساعتها الموقف كان هيبقى ازاى و حتى على مستوكم المفروض خطيبك يقدم لك كل احترام وحب، وفى الزواج الحب و الاحترام يبقوا فى زيادة، لانك عمرك ما هتكونى سعدة مع زوج يهينك بإستمرار و العلاقة بينكم تصبح مستحيلة، لأنى ازاى اقبل فى حضنى من يهيننى؟؟
انا بعتقد انك اخدت القرار الصح، و كنتى تحسى بالندم لو هو حاول يتغلب على اعصابه و لقيتى فيه تطور ايجابى لكن حسب ما فهمت من كلامك انه الموضوع للاسوا... 
عموما الغضب حماقة ياحورية... حاولى تنسيه و تشغلى بالك بمحبة ربنا اللى من خلال حبه بنقدر نحب كل الناس و ربنا الوحيد اللى بيحبنا و احنا خطاه و مات من اجلنا و احنا لانستحق حبه و مع ذلك لسة بيحبنا و علشان بيحبنا الحب ده كله هيبعت لك ولد من ولاده فى الوقت المناسب و يفرح قلبك بيه بس امسكى فى ربنا قوى قوى قوى