03 مايو 2010
Posted in
ركن جدو كرمشة -
ركن جدو كرمشة
مساااااء الفل يا جدو مشكلتى حاسة انى بنقص عن باقى البنات حتى مع اختى اصغر منى بتزعق فيا وتكلمنى بطريقة وحشة عكس الى بعملة معاها لو عايزة حاجة بتنفذها انا انا ااقول عايزه وهاعمل ومبعملش شخصيتى ضعيفة اوى انا تعبت من حياتى بجد مش لاقيه طعم ليها لو عندك حبة ملح يا جدو ياريت تدينى وكمان بهارت
مورا
صباح القشطة عليكى وعلى السامعين، لما الواحد بيعرف المشكلة ده بيكون نص حلها و انتى عارفة انك بتتكلمى و متنفذيش فكل اللى قدامك مش بياخذ كلامك على محمل الجد
حاولى متتكلميش كتير و فكرى قبل ما تتكلمى، يعنى اوزنى الامور قبل متتكلمى بلاش كلامك يبقى طق حنك و خلاص...اتلكمى فى المفيد و اذا و عدتى نفذى...ساعتها كل اللى حواليكى حياخدوا كلامك على محمل الجد
وكمان حاولى تقدمى للناس خدمة فتكسبى ثقتهم و حبهم زى ما قداسة البابا شنوده ربنا يطول فى عمره بيقول اخدم الناس تكسب محبتهم
اما الملح فمتنسيش انه ربنا يسوع المسيح قال انتم ملح الارض، و كان يقصد بكده اعمالنا الكويسة اللى تصلح طعم اى طبخة ...لكن لو اعمالنا مش تمام ساعتها الاكلة حتترمى باللى فيها