03 مايو 2010
Posted in
ركن جدو كرمشة -
ركن جدو كرمشة
معلش يا جدو تعبينك معانا ، بص يا جدو انا متقدم ليا شاب كاثوليكى وانا بحب عقيدتى جدا مش ممكن اسيبها لو ادولى العالم كله ظروفة مناسبة والبيت و العيلة بياكدوا مفيش فرق بين الارثوذكس و الكاثوليك مخبيش عليك ياجدو انا كان نفسى ارتبط بانسان ارثوذكسى احس انى كونت كنيسة وكمان لما نتناقش ميكنش كل واحد متعصب لعقيدته ،مش عارفة اعمل اة ، فى البيت بيقولوا كل ما يتقدم حد تتطلعى فيه مشكلة قولى يا جدو اعمل اه
روما
بصى نحن ككنيسة قبطية نحترم كل الكنائس الاخرى و بالاخص الكنيسة الكاثوليكية لانها كنيسة رسوليه و كنيسة اسرار و ترتبط كنيستنا القبطية بروابط محبة كبيرة معها
و فى سؤال مشابه لنيافة الانبا موسى اسقف الشباب قال: "انه المشكلة فى الزواج ده بتكون فى وحده البيت"....، فمواعيد الصيام مختلفة و مواعيد الاعياد مختلفة يعنى زوجك هيعيد و يفطر فى 25 ديسمبر فى الكريسماس و انتى هتفضلى صايمة لحد متعيدى فى 7 يناير ....فين فرحة العيد اللى بيشترك فيها كل الاسرة، طيب لما يكون فيه اولاد و هيشجعوا الاهلى ولا الزمالك؟!! و هل هيبقى فيه تنازع على تعليم الاولاد ؟ الاب يقول يروحوا الكنيسة دى و الام راسها و الف سيف يروا معاها ....ده هيسبب ليهم عدم اتزان...لازم تفكرى فى كل ده طيب مرواح القداسات و الصلوات المشتركة، المشكلة انه البيت هيبقى مفكك، لانه اللى بيجمع الاسرة هى وحده فكرهم فلو كانوا مختلفين فى اهم حاجة، غالبا هيبقوا مختلفين فى امور كتيرة
و الحل التانى انه احد افراد الاسرة يروح للكنيسة الاخرى وهو مقتنع بكنيسته اللى اتربى فيها، وزى ما الانبا موسى قال كل كنيسة فيها سرها المقدس داخلها، لكن....يفضل القرار ليكى انتى بعد ما تصلى كتير و تطلبى مشورة اب الاعتراف