03 مايو 2010
Posted in
ركن جدو كرمشة -
ركن جدو كرمشة
جدو كرمشه أنا أول مره أقول لحد مشكله أنا طل عمري وظيفتي مع أصحابي اني أسمعهم و أحاول أساعدهم,معرفش أنا بقيت كده ازاي بس اللي أنا أعرفهانهم فعلا بيسمعولي يمكن عشان دايما بدخل ربنا في الموضوع المهم المشكله دلوقتي انهم واقعين تقريبا في مصيبه وانا مش عارفه اعمل حاجه كل اللي بحاول اعمله دلوقتي اني أصليلهم وأقولهم يصلوا مش عارفه أعمل حاجه تانيه المشكله ان الحل ده مش كفايه عن هم للمشكله وعمالين يفكروا في حلول متنفعش لأنها حلول نابعه من غضبهم.
المشكله يا جدو اننا ست أحاي تقدر تقول علينا ست اخوات فعلا كل واحد مننا قابل التاني بعيوبه وميزاته و مش قادرين نستغني عن بعض بجدلأن كل واحد فينا محتاج للتاني و فعلا منقدرش نستغني عن بعض أحنااربع بنات و ولدين المشكله ان بنت من البنات دول طلع عليها كلام سئ عنها و عن ولد من الإثنين مع العلميا أبونا ان الولد ده أصغر منها بخمس سنين المهم تتابع الموضوع ان اللي طلع الكلام ليه سلطه فطرد الولد من الخدمه بتاعتةالمشكله ان الكلام ده مش صحيح الناس مش عارفة تفرق ما بين أخوه أو كلام تاني يعني مشكلتنا اننا بنتقابل احنا السته في الكنيسه قدام الناس فيتقال علينا كلام غلط لكن لو اتقابلنا بره كده هنبقي صح يا جدو انا عايزه حل لازم تشوفلي حل البنت حالتها النفسية بتدهور وممكن تتعمي لأن حصلها كده قبل كده ,و الولد ممكن يعمل مصيبه لأنه عصبي وباقي المجموعة :البنتين بيحاولو يقعدوا مع الحد اللي طلع الكلام لكن ميقدروش يحلوا حاجه لأنه القائد بتاع خدمتهم وبيعرف ازاي يهديهم وهما كمان مش عايزين يطردوا من الخدمه و الولد الأخير ماسك العصايا من النص بيتكلم مع دول و مع الحد لأنه برضه في الخدمه دي واترقي. دلوقتي انا الوحيده اللي بره الموضوع لأني مش معاهم في نفس البلد فكل واحد يكلمني عشان أهديه,المشكله ابتدوا يتنرفزوا علي بعض علي الفاضي لأن الموضوع كبرانا مش عايزه نخسر أخوتنا لبعض ومش عارفه ازاي اهديهم واقولهم حل أرجوك يا جدو فكر لي في حل أعمل ايه أقولهم ايه أساعدهم ازاي ارجو الرد في اسرع وقت ممكن صليلنا يا جدو.ربنا معاك
caty
ربنا معاكم
ممكن ناخد راى ابونا فى الموضوع ده ولانه فى الآخر ابونا يهمه سمعة اولاده و كمان له تاثير على امين الخدمة
حاجة تانيه لازم نخلى بالنا من تصرفاتنا اللى ممكن تتفهم غلط و نحاول نكون صورة حسنة امام جميع الناس ولو فيه حاجة ممكن تعثر الللى قدامنا حتى لو كانت مش غلط بلاش نعملها
الصداقة الصح انه احنا نخاف على بعض و خصوصا البنات مننا نخاف عليهم زى اخواتنا
اعتقد انه ابونا ممكن يحل المشكلة دى لو شرحت له بالراحة