03 مايو 2010
Posted in
ركن جدو كرمشة -
ركن جدو كرمشة
انا بحب واحد هو يبقى ابن كاهن كنستنا اكبر منى بحوالى 6 سنين بقالى 8 سنين بحبة المهم انة قالى انة بيحبنى لكن فى مشكلة انة هو صيدلى وباباة طلب منة بجوز دكتورة زية عشان يساعدة ف الجواز غير كدة مش هيساعدة وهو بيهاب باباة وحاسة انة مش ناوى يوجة باباة بالرغم من ان ابى يبقى صاحب ابية وقريب منة
kota
الموضوع يبان انه شائك لانه المفروض نلجا للكاهن لحل المشكلة وهنا الكاهن طرف، لكن انتى مش لازم تفكرى بالطريقة دى إنتى كل مشكلتك فى ايدين ربنا مش فى ايدين ابونا الكاهن، فإلجأى لربنا بالصلاة و تأكدى انه الله يتصرف بس بلاش تفرضى حل مسبق و قولى لتكن مشيئتك و لو ربنا شايف انه ده فى مصلحتكم انتوا الاثنين، هيحل الموضوع فى اتجاه انه يجمعكم، لكن لو الله شايف ان انتى هتتعبى هيرتب لك الافضل ليكى بس تبقى راضية و شاكرة لمشيئته لانه احنا فى النهاية مش بنعرف نختار لنفسنا حاجة و بركة تماف ايرينى تكون معاكى