03 مايو 2010
Posted in
ركن جدو كرمشة -
ركن جدو كرمشة
جدو الرجاء الرد علية النهاردة عشان خطرى (انا لى صديقة كانت على علاقة بولد مسيحى وحصل .......سن صغير ولما حصل كدا بعد عنها .....كمان ودلوقتى بعد مرور .....سنين تقدم لها عريس وخطبها لكن لم يعرف عنها شى وهى محتارة خايفة يعرف من الناس او من الكنائس ليعرف وهى مش بتنام وحلتها دايما فى النازل وخايفة يعرف ويعرف اهلها ارجوك جدو عرفنى ماذا افعل ليها وعلى العلم ان بيحبها جدا وكل يوم تتخنق معة عشان يسبها وهو متمسك بيها ارجوك ارجو الرد فى سرية ماذا نفعل ارجوك بركة المسيح تقول لنا ماذا نفعل لان افكرها بدات تودى وتجيب قول لنا ياجدو ماذا نفعل
b
اولا هل هى قدمت توبة قدام ربنا ولا لأ؟ دى اول نقطة مهمة....لازم تقدم توبه قدام ربنا و ربنا بالتاكيد هيقبل التوبة دى و تكملها بتتميم سر الاعتراف و تاخد رأى الاب الكاهن بهد ما تكون صلت علشان الموضوع ده
ثالثا: تقولى لصاحبتك انها تنسى الماضى بطل تعبه و تمضى قدما فى المستقبل اللى ربنا مسؤل عنه، و يحافظ عليه و يحمى من الفضيحة لانه الله هو اللى بنشكره كل يوم انه حفظنا و سترنا, و الستر دايما بيكون من عنده مهما حاول الشيطان يفضحنا، و خللى بالك الماضى مش ملك خطيبك و مش من المفروض على الطرفيين انهم يقدموا كشف بالخطايا اللى وقعوا فيها و قدموا توبه وربنا يسوع المسيح قبلها
(اَلْمَزَامِيرُ 91 : 1) الساكن في ستر العلي في ضل القدير يبيت
قوللى لها تكمل وربنا هو ضامن الستر علينا كلنا و يدى لينا حياة جديدة مقدسة
طوبى للذين غفرت آثامهم وسترت خطاياهم (رو 4 : 7)
(إِنْجِيلُ لُوقَا 5 : 32) لم آت لأدعو ابرارا بل خطاة الى التوبة