03 مايو 2010
Posted in
ركن جدو كرمشة -
ركن جدو كرمشة
ازيك يا جدو انا عندى سوال محتارة فية يا جدو هو البنت لما تصلى فى اوقات الدورة الشهرية من الاجبية يبقا حرام
غلط ولا صح ؟؟؟؟؟؟؟؟؟؟
ميرسى يا جدو على تعب محبتك
k
لا تعتبر المسيحية الدورة الشهرية نجاسة على الاطلاق، و لكن تعتبرها فطرا، يعنى زى اى واحد بينزف اثر جرح معين فالسؤال هنا ينفع انى اصلى فى الاجبية و انا فاطر؟ يعنى بعد ما ضربت سندوتشين فول عالصبح... ايوه ينفع اصلى فى اى وقت و المسيح يشجعنا على كده بإنه قال
(إِنْجِيلُ لُوقَا 18 : 1) وقال لهم ايضا مثلا في انه ينبغي ان يصلّى كل حين ولا يمل..
(إِنْجِيلُ لُوقَا 21 : 36) اسهروا اذا وتضرعوا في كل حين لكي تحسبوا اهلا للنجاة من جميع هذا المزمع ان يكون وتقفوا قدام ابن الانسان.
وقداسة البابا يقول هافضل أصلى مهما حصلى
اما بالنسبة للقداس فممكن الحضور بدون التناول زى اى واحد بيحضر القداس بس فاطر
فصلى فى كل وقت و انتى فالشارع و انتى بتشتغلى، صلوات سهمية زى صلاة يسوع : ياربى يسوع المسيح اسبحك و امجدك، ياربى يسوع المسيح ارحمنى انا الخاطى، ياربى يسوع المسيح احفظنى و اغفرلى و هكذا..