03 مايو 2010
Posted in
ركن جدو كرمشة -
ركن جدو كرمشة
انا بحب ولد اكبر منى ب5 سنوات ارتبط بية من 3 سنوات حبيتة اوى واديتة كل حبى واخلاصى وعلشانة اتغيرت كتير ومن شهر قالى انة كان بيحب بنت خالة وهى بتحبو وعمل معاها علاقة غير شرعية ومارس الجنس معاها كتر من9مرات تحت طلبها واتقدم ليتجوزها فرفض ولدها وانتهت علاقتهم ببعض وانا بب الشخص دة ومش قادرة ابعد مع كل عيوبة اعمل اية نفسى يحبنى ارجوك جوبنى
ساندى
مش عارف ازاى واحد بيحب واحده لمده تلات سنين، يسيبها فجأة علشان بنت خالته اللى بيحكيلك عنها حاجات خاصة جدا فيها سوء سمعه لها وله و تبقى صورتها مشوهه، او يكون بيحاول يغرر بيكى انك انتى كمان لو بتحبيه تتسابقى مع بنت خالته اللى فرطتت فى نفسها، ده مش إسمه حب...ده اسمه شهوة و وقوع فى خطية الزنا اللى ربنا بيكرها جدا.
اوعى حبك لشخص يعميكى عن حبك لربنا و انك تحافظى على نفسك، لو هوه ولد كويس ماكانش يوقع نفسه فى خطية صعبة كده و بدون توبه و كمان متكررة بالصورة الصعبة دى، صحيح ربنا بيقبل الخطاه بس يكون عندهم النيه انهم يتوبوا ....انتى على البر ابعدى عنه و عن الطريق اللى اخره حزن و حاولى تفرقى بين الحب الطاهر اللى يدى للطرف التانى كرامة وبين الحب الزائف و الخطية و الشهوة اللى بتزل الانسان و تهين كرامته و كرامة جسمه.
(رِسَالَةُ يَعْقُوبَ 4 : 4) ايها الزناة والزواني أما تعلمون ان محبة العالم عداوة للّه.فمن اراد ان يكون محبا للعالم فقد صار عدوا للّه..
الجنس مسموح بيه فقط فى الزواج المقدس اللى هو سر يوحد و يجمع مابين شخصين بواسطة الروح القدس يخليهم جسد واحد و يملا قلبهم بالحب، ويكون الجنس سامى مش مجرد نزوة و لاشهوة
وإرجعى لقصة امنون و ثامار فى الكتاب المقدس ازاى انه ابغضها و كرهها بعد ما افقدها كرامتها و امتهن جسدها
(صَمُوئِيلَ الثَّانِي 13 : 4)
الحب النضيف النقى الطاهر له سمات انه يعطى حتى نفسه
(رِسَالَةُ يُوحَنَّا الرَّسُولِ الأُولَى 4 : 16) ونحن قد عرفنا وصدقنا المحبة التي للّه فينا.الله محبة ومن يثبت في المحبة يثبت في الله والله فيه..
نصيحتى ليكى تبعدى عنه وتصلى و ربنا يرفع عنك ويبعد عنك كل حاجة مشاعر تكون متعبة ليكى و يكشف عن عنيكى تتصرفى ازاى، برجاء زيارة اب إعترافك و أخذ رايه فى الموضوع بصراحة