03 مايو 2010
Posted in
ركن جدو كرمشة -
ركن جدو كرمشة
مساء الفل يا جدو عامل ايه انا عارفه انى هوستك بس ادينى بحكى.. بص يا جدو عندى وحده صحبتى اوى كانت بتحب واحد مش حب بس مراهقه وطلع وحش وبعد عنها ولسه بيعملها مشاكل لغايه دلوقت وبعد كده حبت واحد وهو كمان بس سابها بسبب الولد الاولانى والكلام الى طلع عليها هى كانت حبته مع انى مقعدوش مع بعض كتير ليها تلت سنين ولسه بتحبه وبيكلموا بعض على اساس قال ايه اصحاب وهى تعبانه اوى وحاجه كمان
هى مصاحبه خطيبى اوى اوى لدرجه انك ممكن تشك انهم بيحبوا بعضوا وتزعل اوى لو متصلش بيها وكمان حاجه هى عندها مشاكل كتير فى البيت بين باباها ومامتها مش مستقرين مفككين مش عارفه اعمل معاها ايه لما اكلمها فى مشاكلها وتبعد عن الى بتحبوا عارفه انى كلامى صح بس مش قادره رد عليا يا جدو عارف يا جدو مشاكل الشباب كلها دلوقت حب وحبت وخانته وبعد كلها عن العلاقات مش عارفه ايه دى تفاهه ولا ايه ولو تفاهه هابقى انا اول التافهين
مريم
يا مساء الجمال، الموضوع محتاج انه الواحد يتملى من حب ربنا الاول لأن طول ما الواحد بعيد عن محبة ربنا تفضل فيه حته جواه فاضية و اى حاجة تيجى يفتكرها هى دى اللى هتشبعه و تطلع اى كلام و متشبعهوش، يقوم يبتدى يدور من تانى ....و القديس أوغسطينوس بيقول تظل نفوسنا قلقة إلى ان ترتاح فيك - يقصد ربنا يسوع المسيح
يبقة ليه نقعد قلقانين و جعانين، نقرب من المسيح و نشبع بعد كده نفكر فى الارتباط بطريقة صح، مش اى حد يرميلى حته عيش على الارض اقول بس هوه ده غدايا النهاردة، يعنى مش اى حد يقوللى كلمة حلوة اقول هوه ده اللى ارتبط بيه
اللى ارتبط بيه ده لازم يكون ابن ربنا و مليان من محبة المسيح علشان اضمن الامان فى العلاقة و اضمن انه بيعرف يقول انا اسف، مهم ابن المسيح بيعرف يقول للمسيح انا اسف فى التوبة، فبيبقى سهل ان المشاكل تتحل فى المستقبل لوحصلت
أما الجزء الخاص ب انها بتكلم خطيبك انا حاسس انه فيه حاجة مش مظبوطة فى الموضوع ده استشيرى اب اعترافك، و لو معندكيش لازم يكون فيه اب إعتراف
يبقى الحل ليكى ولى و لصاحبتك انه احنا يكون لينا علاقة قوية بربنا يسوع المسيح فى الصلاة و التوبه و القداس