03 مايو 2010
Posted in
ركن جدو كرمشة -
ركن جدو كرمشة
انا انسان الحمد لله ناجح جدا فى شغلى والحمدلله رزقت بولد وبنت ومهتم بمظهرهم الاجتماعى جدا من حيث التعليم والمعيشه بس المشكله بينى وبين زوجتى انا مش قادر اتجاوب معاها فى اى شى للاسف مستواها الفكرى والتعليمى والمادى لاسف دون مستوى فوجئت بعد الزواج انها مش متعلمه وللاسف انا مدخل ولادى مدارس راهبات وممكن حضرتك تكون عارفها ..............
حاسس بنقص فظيع من اللى حواليا حتى انا داخليا حاسس بعدم تقدير ليها ...وانى اتسرعت لانى عرفتها واتجوزتها فى 45 يوم تقدر تقول كنت حد مجنون علشان انا ولد وحيد واهلى عائله تجاريه ذو اسم . فى البدايه والداتى قاطعتنى بسبب الجواز رغم انها حتى لان مش بتتكلم معاها وبصراحه انا بهرب بعلاقاتى مع النساء من جميع الاديان والاعمار وانا عارف انى غلط وهروبى غير مستحب وحاولت كتير انى اغيرها واقرب منها بس للاسف مش بقدر وبحس وانا معاها انى فى حد بيغتصبنى انا اسف فى اللفظ بس فعلا انا اتخنقت وعلاقاتى كلها انا مش راضى عنها واخيرا انا نفصل عنها بقالى اكتر من اربع شهور رغم اقامتها معايا فى المنزل للاسف لانى مش هرضى ان ولادى يتربوا فى غرفه بواب فى كنيسه وانا اتمتع برفاهيه الحياه وخلاص فعلا مش عارف اعمل ايه لحد مافكرت انى حبيت حد جدا مش من ديانه وكنت هنساق معاه ولكن خوفى على اسمى التجارى وسمعه اولادى هيه اللى رجعتنى حللى بجد مشكلتى ياجدو لانى حاولت بشتى الطرق وفشلت رغم انى فى شغلى بعرف افكر وانجح . ملحوظه زوجتى كانت ..........وهو ده ممكن سبب لكره عائلتى ليها وهيه اساسا تفكيرها سطحى لاتعرف معنى الاحتواء وللاسف انا بدور على الاحتواء واسف انى طولت عليك ارشدنى
saint_of_egypt
أولا اشكرك على صراحتك وانا مش هقولك انك مفكرتش كويس و لا كان لازم.....الخ لكن خلينا نبتدى من اللى احنا انتهينا له، زوجتك اقل منك من الناحية التعليمية و الاجتماعية و الثقافية، بس معرفناش هى مستواها الروحى ايه؟! و هل هى اعلى و لا اقل منك، لانه ربنا فى النهاية مش هيدخل الناس السما بشهاداتهم ولا بمركزهم المالى او بثرواتهم لكن بمقدار الحب اللى قدموه للى حواليهم، و كل الامور اللى انت متضايق منها فى زوجتك ممكن تتغير، التعليم ممكن تعلمها و تديها كورسات englidh او frensh
و المستوى الاجتماعى كمان بيتغير طالما انك ميسور الحال تقدر تخللى اوضة بواب الكنيسة شقة ولو ان كتير من بوابين الكنائس قديسين بيفرحوا قلب ربنا اكثر مننا و احنا بنبص عليهم من فوق و عمرنا ما نزلنالهم نشاركهم احلامهم بعطايانا اللى ممكن تغير شوية من واقعهم المتعب و تفرح قلب ربنا باعمال رحمة
حاول تحب زوجتك شريكتك فى اولادك اللى بتحبهم، و المحبة هتغير حياتك و زوجتك البسيطة ممكن تكون سبب البركة اللى انت فيها بصلواتها
زى ماقلت لك كل حاجة فى الشكل و العادات ممكن تتغير بسهولة بس المهم الحب الحقيقى اللى يساعد على التغيير
التواضع كمان يساعد الواحد انه يقبل اللى قدامه زى مالمسيح قبلنا كلنا بخطايانا و قبل حتى اللى بيكرهوه و قبل حتى الملحدين اللى بيتحدوا وجوده
ابتدى التغيير فى نفسك اولا، انت كاهن الاسرة اللى مسؤوا عن خلاص نفوسهم و مسؤول انهم يروحوا السما، و الكاهن لازم يقدس نفسه الاول، توب و اعترف وبعد عن اصدقاء السوء و انهى كل العلاقات اللى تدمرك و تدمر اسرتك و اولادك
الانفصال مش هوه الحل