ازيك يا جدو كل سنة وانت طيب انا يا جدو مشكلتى فى الافكار والشهوة والنظرات نفسى اتعلم الطهارة بس مش عارفة دايما اصلى واطلب من ربنايدينى طهارة النفس والجسد بس حاسة انة مش سامعنى انا نفسى اتغير واكون بنت المسيح بجد اعم اية يا جدو ارجوك رد عليا بسرعة انا محتارة ومش عارفة اعمل اية اذكرنى فى صلواتك دايمااااا.....
k
و انتى طيبة و بركة صوم الميلاد و بركة تجسد ربنا يسوع المسيح تكون معاكى، حلو قوى انه الواحد دى تكون شهوة قلبه انه يكون ابن للمسيح او بنت للمسيح، والبداية تكون من هنا نفسى ابقى كويس و نفسى اتعلم الطهارة و نفسى افكارى تبقى طاهرة ونقية، و المسيح اكيد فرحان بكده
بس الامنيات من غير افعال تقوى الارادة بترجعنا لنقطة البداية تانى، الاول افكارى مش نقيه ليه؟؟ لانه انا بدخل حواسى كل يوم حاجات مش نقية ...اسمع كلام مش كويس...اشوف مناظر مش حلوة..و اللمس...لكن لما تبقى المدخلات اللى داخلانى مصدرها نقى الحواس بتنضف و الفكر يتنقى
يعنى العين بتشوف مواقع كويسة و مناظر حلوة و الفكر بدخله قراية الكتاب المقدس و سير القديسين و كتب روحية و ودانى بتسمع ترانيم و عظات و تبعد عن النميمة و تسمع بس الاحاديث اللى فيها مدح و تشجيع....كده هتلاقى بعد شوية الامور ماشى فى اتجاه النقاوة
غير كده التوبة المستمرة و الاعتراف بغستمرار حتى مع تكرر الخطايا و لو لمليون مرة مع الاستمرار القلب يتنقى و نفضل نتنقى لغاية آخر حياتنا التوبة تبقى مستمرة و الاعتراف و التناول لكن بيكون فيه نمو فى الحياة الروحية نقرب من شخص ربنا يسوع اكتر لغاية ما نبقى شبهه