تقييم المستخدم: / 0
سيئجيد 

03 مايو 2010
Posted in ركن جدو كرمشة - ركن جدو كرمشة

انا شاب شماس بس عندى مشاكل اسريه ابويا وامى يعنى وده تاعبنى جدا وتاعب اخواتى بردة انا عندى 21 سنة وبحب الهى جدا وبحب العيشه معاه رغم خطاياى الكثيره الدنيئه بس انا بصراحه بحس ان حياتى فيها خطية الذات عاليه عندى شويه ونسى اتخلص منها وبحب انفرد واكون لوحدى كدة افكر فى ربنا يسوع المسيح لدرجة انى فكرت فى مرة وانا مسافر فى الشغل بتاعى انى مرجعش البت تانى واروح الصحراء واعيش ذى الناس بتوع ذمان وديما اتاثر بالافلام الدينيه اللى بتبدا بان الواح يسيب كل حاجه ويروح يهرب لحياته انا مش عارف اعمل ايه انا تعبان جدا علشان خايف يكون الموضوع دة وهم معنى ديما اسال الناس هل فى حد بيروح الصحراء اليومين دول انا مش عارف انا تعبان وياريت يا جدوا ترد علياعلشان انا فكرة كثيرا انى اسيب البيت واروح الصحرا واعيش هناك((اتوسل اليك رد عليا))انا اسف لانى كتبت كلام كتير ودة اكيد هايتعبك علشان تقراه
hany

المشاكل الاسرية موجوده فى كل حتة لكن مهم انه يكون فيه الحب اللى بيخلى المشاكل تذوب ...لكن لو المشاكل من غير حب بين الزوجين و ميكونش فيه غفران تتحول لمشاكل مزمنه صعب حلها، و ممكن تاخذ الموضوع ده جزء من صلاتك كل يوم، و ربنا يتحنن  عليك و عليهم و يحل المشاكل

الخطايا اللى احنا عارفينها و اللى افينا ومش عارفين عنها حاجة محتاجة انه احنا نصلى علشان ربنا يكشفهالنا و علشان نعرف نتخلص منها محتاجين

1- نصلى و نقدم توبة عنها فى كل مرة حتى ولو مليون مرة
2- نكشفها لأاب إعترافنا
3- نقرأ فى الكتاب المقدس علشان وصية ربنا بتكشف الخطية و تدى الحل فى بساطة
 يعنى خطية الذات،  تكشفها وصية ربنا يسوع المسيح زى تعلموا منى لأنى وديع و متواضع القلب او لما نقرا فى الكتاب المقدس ازاى انه السيد المسيح و هو السيد و المعلم ينزل و يغسل رجلين تلاميذه،  ووصيته ليهم انهم يعملوا كده مع بعض
أما عن موضوع الصحراء، تقصد التوحد و السياحة ولا تقصد الرهبنه عموما

الرهبنه موجوده و الاديرة كل يوم يتعمر أكثر من الاول، اما عن التوحد و السياحة محتاج تسأل فى  الاديرة و لو ان تماف ايرينى القديسة المعاصرة المتنيحة  فى عام 2006 اتكلمت عن وجود اباء سواح رغم عددهم الصغير
 حلوة الاشتياقات اللى عندك لكن محتاج انك تصلى علشان ربنا يكشف لك و كمان تستشير اب اعترافك و تتردد على الاديرة و هى دى نصيحى الانبا موسى اسقف الشباب لنفس سؤالك

كنيستنا جميلة لو عشنا طقوسها و تممنا اسرارها بخشوع نفرح بعمل ربنا فى وسطينا
ربنا معاك و يفرح قلبك