انا زعلانة جدا
عشان انا ارسات قبل كدة كتير و لم تجيب
انا عندى 25 سنة فتاة و لم اتزوج العادة السرية مسيطرة عليا بدرجة كبيرة جدا بش بعترف عشانها و لكنى بعنت قبل كدة ايميل لاب كاهن كاعتراف لة لنل كل اما ابطل ارجع بعد فترة و اعملها تانى و الجديد انى بقيت اتفرج على اشياء جنسية فى النت دلوقتى انا وقفت و لكن قلت اكتبلك احسن ما اتفرج ارجو الرد ضرورى حتى على الايميل بتاعى رجاء محبة
اتوسل اليك يا جدو انا خايفة جدا
مع العلم انى بتناول ساعات عشان احس انى نظيفة انا بقالى حوالى 3 اسبوع لم اعملها لكن دلوقتى اتفرجت على النت و لكن بسرعة قافلت هل انا كدة مجرمة للرب انا هنتظر
هدهد
الخطية و حشة جدا و اوحش مافيها انها بتفصلنا عن ربنا الحنين، لكن الجميل انه باب التوبة لربنا الحنين مفتوح على طول، و طول ما الواحد ضميره صاحى زيك، يبقى ميتخافش علية، كل ما تقعى فى خطية النجاسة تقدمى توبة فى لحظتها لربنا و كل فترة لازم تعترفى و طول ما انتى بتقدمى توبة و تعترفى ...اتناولى و متخافيش لانه جسد الرب و دمه الاقدسين بيطهرونا من الخطية و بيدولنا قوه ننتصر عليها، يبقى قدمى توبه اعترفى اتناولى وهيجى الوقت اللى ربنا يديكى انتصار عليها. الصوم الكبير فترة كويسة انك تتدربى على الطهارة، اقراى فى الكتاب المقدس و بدل المواقع القبيحة استبدليها بالمواقع المسيحية اللى تقرى كلمة ربنا فيها و بعد شويه تبعدى خالص عن السكة دى
قراية الكتاب المقدس بتطهر من جوه و ربنا يسوع المسيح بيقول لتلاميذه
(إِنْجِيلُ يُوحَنَّا 15 : 3) انتم الآن انقياء لسبب الكلام الذي كلمتكم به..
يبقى كلمة ربنا تطهر و تنقى و تنظف، و الاعتراف يفضح الخطية ويبعد عنك الشيطان اللى يفضل يذل فيكى بسببها و جسد المسيح يقوى و يغذى و دم المسيح يطهر و يغسل
على فكرة ممكن تكتبى ورقة و تحطيها فى ايد اب اعترافك و يكون ده اعتراف مقبول عند ربنا