04 مايو 2010
Posted in
ركن جدو كرمشة -
ركن جدو كرمشة
انا تعبانة فى حياتى اوى وكرهت نفسى كل ما يقدم عريس يمشى ومش بيجى تانى كتير اوى بيقدم ومش بيجو تانى وناس بقيت تتكلم عليا وانا تعبت ومش عارفة اعمل اية قولى يا جدو ريحينى لية بعد ما بيجو ويمشو ومش بيجو تانى بقيت افكر انى ممكن معمول ليا حاجة اعمال شريرة او فيا حاجة رد عليا بسرعة يا جدو
بنت الفادى
لما انتى بنت الفادى اللى فداكى بدمه الثمين اللى نزل من سماه و ترك مجده من اجل حبه ليكى اللى قال
(زَكَريَّا 2 : 8) لانه هكذا قال رب الجنود ..... لانه من يمسكم يمس حدقة عينه
وقال انى نقشتكم على كفى
ازاى تخافى و تقلقى و تقولى انه معمولى اعمال شريرة، و ايه اعمال تقدرى على ولاد ملك الملوك و رب الارباب، اى شرير ده اللى يقدر يشتكى على اولاد ربنا و اى اعمال ده اللى ممكن تتعمل من ورا ربنا لولاده اللى ماسكين فيه؟!!!
ده ضابط الكل و اللى قال بفمه الطاهر رأيت الشيطان ساقطا مثل البرق من السماء
(إِنْجِيلُ لُوقَا 8 : 25) ثم قال لهم اين ايمانكم.فخافوا وتعجبوا قائلين فيما بينهم من هو هذا.فانه يأمر الرياح ايضا والماء فتطيعه
أى شيطان ده اللى يقدر على المسيح ولا على حد من اولاده ؟!! مسمعتيش عن عذراء النشيد اللى فى سفر نشيد الانشاد
(نَشِيدُ الأَنْشَادِ 6 : 4) انت جميلة يا حبيبتي كترصة حسنة كاورشليم مرهبة كجيش بالوية.
(نَشِيدُ الأَنْشَادِ 6 : 10) من هي المشرفة مثل الصباح جميلة كالقمر طاهرة كالشمس مرهبة كجيش بالوية.
يعنى بنت ربنا ترهب جيش من الاشرار بالآلاف
متخافيش امسكى فى ربنا و قوليله انا بنتك تبعت لى ابنك و تفرحنى بس امسكى فى ربنا كويس قوى